Zyrtarët në Kosovë po vazhdojnë të keqpërdorin veturat e shtetit për qejfet e tyre personale.

Lexues të portalit arbresh.info kanë dërguar disa fotografi, ku shihen dy vetura zyrtare  me targa 3Z-144 -17 dhe  3Z-131-17 po ashtu edhe 3Z 145 17,  në Durrës në ditën e shtunë  të parkuara në afërsi të një hoteli.

Sipas, Udhëzimit Administrativ për Regjistrimin e Automjeteve, “3Z” është shenjë identifikuese zyrtare për veturat që voziten nga Qeveria e Kosovës.

Ndryshe, më 13 shkurt arbresh.info ka raportuar për veturën e njëjtë me targa 3Z-145-17, ku është parë duke u kthyer nga Shqipëria, ditën e diel.

Kujtojmë se kjo nuk është hera e parë që veturat zyrtare ia mësyjnë drejt Shqipërisë, një gjë e tillë ka ndodhur edhe më herët nga Qeveritë e kaluara./arbresh.info/

LEXO EDHE:

Vetura zyrtare me targa 3Z 145 17 shihet duke u kthyer nga Shqipëria në ditë vikendi